ავრორა

[Intro - Acappella] მმმ..... [Verse 1] გაფერმკრთალდა სავსე მთვარე და გაყვითლდა შუქთა ცხრილი, ცის გუმბათი მოვერცხლილი მე ზღვის სიღრმეს შევადარე. ვარსკვლავთ გუნდი მოელვარე თრთის, ნელდება, ვით ღიმილი, ფერმიხდილი, მოწყენილი, ნაზი, ფრთხილი, მგლოვიარე... [Chorus 1] ამოვდივარ!.. ღამის ნაკვთებს მალე გაჰკვეთს ჩემი ფრთები. ბუნებაო, შენ ნუ კრთები, კაეშანი ნუ აგანთებს, მთის მწვერვალო, მაგ შენ კალთებს ნუ ელტვიან იმედები, მთავ, დაბლა ნუ იხედები, ნისლი უღელს ნუ დაგადებს! (უღელს ნუ დაგადებს) [Bridge- Key Change] [Verse 2] ნისლში მყოფი არემარე ნანგრევების არის ჩრდილი, არის სივრცე და დუმილი, მარტოობა არის მწარე. ყოველი ხე და სამარე, ხევხუვებში მოფენილი, არის უღვთოდ მოწყენილი. [Chorus 2] ამოვდივარ!.. გულისნადებს ნუ წაგართმევს ღამის ხმები, როს მომავლის მზის სხივები კანდელივით დაგქათქათებს!.. მალე, მალე ველებს და მთებს ტიტანივით მოვევლები, ვნების რკალად მოვედები მუდმივ თოვლით შემოსილ მთებს!.. (თოვლით შემოსილ მთებს) [Slow Fade Out]